მთავრობის ადმინისტრაციის უფროსი კახა კახიშვილი საქართველოს არჩეული პრეზიდენტის, სალომე ზურაბიშვილის ინაუგურაციასთან დაკავშირებით კომენტარს აკეთებს.
როგორც კახიშვილმა განაცხადა, პრემიერის ადმინისტრაციაში მზადდება ბრძანებულების პროექტი, რომელიც განსაზღვრავს ინაუგურაციის ჩატარებისთვის საჭირო კომისიის წევრებს. ბრძანება სავარაუდოდ, დღეს საღამოს იქნება.
როგორც კახიშვილი ამბობს, კომისია იმუშავებს სცენარზე და ღონისძიებაზე, რომელიც აუცილებელი უნდა იყოს ინაუგურაციის პროცესში.
გარდა ამისა, კახიშვილის თქმით, პრემიერის ადმინისტრაციას აქვს კონსულტაციები, რამდენიმე რეჟისორთან, თუმცა რეჟისორი გადაწყვეტილი არ არის.
სცენარი კონკრეტულ ადამიანებთან ხელშეკრულების საფუძველზე გადაწყდება. ინაუგურაციის ხარჯები დათვლილი არ არის.