საპარლამენტო უმრავლესობის წევრმა სოფიო ქაცარავამ ეუთოს ყოველწლიური მინისტერიალის ფარგლებში გამართულ ეუთო-ს საპარლამენტო ასამბლეის ბიუროს სხდომაზე, წევრებს სიტყვით მიმართა.
როგორც „ინტერპრესნიუსს“ საქართველოს პარლამენტიდან აცნობეს, საგარეო ურთიერთობათა კომიტეტის თავმჯდომარემ მადლობა გადაუხადა ეუთო-ს საარჩევნო სადამკვირვებლო დელეგაციას საქართველოში საპრეზიდენტო არჩევნების დაკვირვებისა და შეფასებებისთვის.
„საპრეზიდენტო არჩევნები თავისუფალ და კონკურენტულ გარემოში ჩატარდა. სადამკვირვებლო მისიის მიერ წარმოდგენილ რეკომენდაციებზე ჩვენ დავიწყებთ მუშაობას, რომ მომავალში აღმოვფხვრათ ის ხარვეზები, რაც ეუთოს ანგარიშში აისახა. ეს არის ჯანსაღი და დემოკრატიული პროცესი, რომელიც კიდევ უფრო მეტად დახვეწს ინსტიტუტებს და გააუმჯობესებს ზოგადად საარჩევნო გარემოს“, - განაცხადა სოფიო ქაცარავამ.