მილანში ეუთოს მინისტრთა საბჭოს 25-სხდომის ფარგლებში გაიმართა ეუთოში საქართველოს მეგობართა ჯგუფის ხანმოკლე შეხვედრა. საგარეო საქმეთა სამინისტროს ინფორმაციით, მეგობართა ჯგუფში შემავალი ქვეყნების საგარეო საქმეთა მინისტრებმა ერთობლივი ფოტო გადაიღეს, რითაც კიდევ ერთხელ გამოხატეს საკუთარი მხარდაჭერა საქართველოს მიმართ.
ეუთოს მინისტრთა საბჭოს 25-ე სხდომის ფარგლებში ეუთოში საქართველოს მეგობართა ჯგუფი ხვალ ეუთოს სხდომაზე საქართველოსთან დაკავშირებით ერთობლივ განცხადებას მიიღებს. ეუთოში საქართველოს მეგობართა ჯგუფის მიზანია ხელი შეუწყოს საქართველოსთან დაკავშირებული საკითხების სათანადო წარმოჩენას ორაგანიზაციის ფარგლებში. საქართველოს მეგობართა ჯგუფში შედიან: ბულგარეთი, კანადა, ესტონეთი, ლიეტუვა, ლატვია, პოლონეთი, რუმინეთი, შვედეთი, უკრაინა, ნორვეგია, აშშ და დიდი ბრიტანეთი.