ოკუპირებული აფხაზეთის დე ფაქტო ხელისუფლებამ სირიიდან 800 დევნილი მიიღო. ამის შესახებ დე ფაქტო პრეზიდენტმა რაულ ხაჯიმბამ სააგენტო „რია ნოვოსტისთვის“ მიცემულ ინტერვიუში განაცხადა.
„700-800 ადამიანი მივიღეთ. პირველ ეტაპზე მათი კეთილმოწყობით ვიყავით დაკავებული, რათა მათ ჩვენს პირობებთან ადაპტირებისთვის შესაძლებლობები შეგვექმნა“, - განაცხადა რაულ ხაჯიმბამ.
მისივე თქმით, აფხაზეთში მყოფი სირიელები სხვადასხვა სფეროში მუშაობენ.
შეგახსენებთ, რომ გუშინ ოკუპირებული აფხაზეთის დე ფაქტო პარლამენტმა „აფხაზეთსა და სირიას შორის მეგობრობისა და თანამშრომლობის შესახებ“ შეთანხმების რატიფიცირება მოახდინა.