ადვოკატი - მინდია გოგოჭური ბრალდებას არ ეთანხმება და სავარაუდოდ, მომავალშიც ასეთი პოზიცია ექნება

მინდია გოგოჭურის ადვოკატი ნიკოლოზ ბიბილაშვილი წინასწარი დაკავების იზოლატორში მივიდა, სადაც მისი დაცვის ქვეშ მყოფს ბრალი უნდა წაუყენონ.

როგორც მან ჟურნალისტებთან საუბარში განაცხადა, გოგოჭური თავს დამნაშავედ არ ცნობს.

"გამოძიება მას ცეცხლსასროლი იარაღის შეძენა-შენახვას და დანაშაულის დაფარვას ედავება. რა თქმა უნდა, მტკიცებულებები და ფაქტები სხვა რამეზე მეტყველებს. ის ამ ბრალდებას არ ეთანხმება და, სავარაუდოდ, მომავალშიც ასეთი პოზიცია ექნება. ვნახოთ, საქმის მასალებში რა მოცემულობა იქნება. ვინაიდან საქმის მასალებს არ ვიცნობ, არ მინდა, რომ შეცდომაში შეგიყვანოთ. როდესაც მათ დეტალურად გავეცნობი, შემდეგ შეგვიძლია ვიმსჯელოთ, არსებობს თუ არა დასაბუთებული ვარაუდი თუნდაც იმის სამტკიცებლად, რომ აღკვეთის ღონისძიების სახით გამოყენებული იყოს რაიმე სახის ღონისძიება",-განაცხადა ბიბილაშვილმა.

მინდია გოგოჭური მეგობართან ერთად 5 დეკემბერს დააკავეს.

იხილეთ ვიდეო: პრეზიდენტის სიძეს წინასწარი დაკავების იზოლატორში ბრალს უყენებენ

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე