ლაშა ჟვანია - არჩეულ პრეზიდენტს ულტიმატუმი არავისთვის წაუყენებია, მან განაცხადა, რომ თუ გრიგოლ ვაშაძე აღიარებს პრეზიდენტად, იფიქრებს, მოიწვიოს თუ არა ინაუგურაციაზე

არჩეულ პრეზიდენტს ულტიმატუმი არავისთვის წაუყენებია, მან განაცხადა, რომ თუ გრიგოლ ვაშაძე აღიარებს პრეზიდენტად, ამის შემდეგ იფიქრებს, მოიწვიოს თუ არა ინაუგურაციაზე, - ამის შესახებ საქართველოს ახლად არჩეული პრეზიდენტის ადმინისტრაციის მომავალმა ხელმძღვანელმა ლაშა ჟვანიამ ჟურნალისტებს განუცხადა, პრეზიდენტობის ყოფილი კანდიდატის, გრიგოლ ვაშაძის ინაუგურაციაზე მიწვევასთან დაკავშირებული კითხვის პასუხად.

კახა კახიშვილი არის ინაუგურაციის მოსამზადებელი ჯგუფის ხელმძღვანელი. კანცელარიაში იქნება შეხვედრა 18:00 საათზე და ამ შეხვედრაზე უკვე გარკვეული მონახაზი გვექნება. არჩეულ პრეზიდენტს ულტიმატუმი არავისთვის წაუყენებია. მან განაცხადა, რომ თუ გრიგოლ ვაშაძე აღიარებს მას პრეზიდენტად, ამის შემდეგ იფიქრებს მოიწვიოს თუ არა ინაუგურაციაზე“, - აღნიშნა ლაშა ჟვანიამ.