პრომოუტერებს „ბლექ სი არენაზე“ თანამშრომლობის ახალი სქემა გააცნეს

სამხრეთ კავკასიაში ყველაზე დიდი საკონცერტო დარბაზი „ბლექ სი არენა“ 2019 წელს პრომოუტერებს თანამშრომლობის ახალ სქემას სთავაზობს. ახალი სქემის მთავარი პრიორიტეტია გამჭვირვალობა და თანაბარი შესაძლებლობები.

აღნიშნული სქემის პირობები „ბლექ სი არენას“ ხელმძღვანელობამ საქართველოში მომუშავე პრომოუტერებს გააცნო. შეხვედრას დაესწრნენ „ისთერნ ფრომოუშენსის“, „ალტერვიჟენის“, „ბრავო რეკორდსის“, „კულტურის პალატის“, „4GB”–ის, „Anaklia Entertainment Group“–ის და სხვა კომპანიების წარმომადგენლები და დამოუკიდებელი პრომოუტერები.

„ბლექ სი არენას“ დირექტორმა, ანი კავლელიშვილმა პრომოუტერებს წარუდგინა თანამშრომლობის 3 სქემა: არენის იჯარით აღების შესაძლებლობა, თანადაფინანსება და არენის ღონისძიებებისთვის არტისტის ჩამოყვანის ორგანიზება. დაინტერესებულ მხარეს დაწვრილებით გააცნეს თითოეული სქემა. როგორც „ბლექ სი არენას“ დირექტორმა აღნიშნა, სამივე სქემით სარგებლობა პროცესის აბსოლუტური გამჭირვალობისა და თანასწორი პირობების გარანტიაა.

აღსანიშნავია, რომ „ბლექ სი არენამ“ უკვე გამოაცხადა ინტერესთა გამოხატვა იმ პრომოუტერებისთვის, რომელთაც 2019 წელს, წარმოდგენილი სქემებით, არენაზე კონცერტების ორგანიზების სურვილი ექნებათ.

პრომოუტერებს წინადადებების წარდგენა 14 დეკემბრის 12:00 საათამდე შეუძლიათ.

ამიერკავკასიაში ყველაზე დიდი საკონცერტო არენა 10 000–ზე მეტ მაყურებელს იტევს. „ბლექ სი არენა“ შავი ზღვის სანაპიროზე, შეკვეთილში, 30 000 კვადრატულ მეტრზეა გაშენებული. ამფითეატრის ტიპის ღია საკონცერტო დარბაზი მოძრავი მნათობი კედლებითა და მოძრავი სახურავითაა აღჭურვილი. დარბაზს აქვს გახმოვანებისა და განათების უახლესი აპარატურა და ლედეკრანები. სასცენო სივრცე და კულისები არტისტისთვის სრული კომფორტის გათვალისწინებითაა მოწყობილი.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა