გიორგი ჩაკვეტაძე - თბილისში პირველად, ოლიმპიური და არაოლიმპიური სახეობების სპორტსმენებისთვის პრემია გაიცემა

თბილისის საკრებულოს სპორტის და ახალგაზრდულ საქმეთა კომისიის თავმჯდომარის გიორგი ჩაკვეტაძის განცხადებით, საკრებულოს დღევანდელ სხდომაზე სპორტსმენებისთვის ჯილდოების გადაცემის წესი დამტკიცდა.

„თბილისში პირველად, ოლიმპიური და არაოლიმპიური სახეობების სპორტსმენებისთვის პრემია გაიცემა. პრემიის გაცემა მათი წარმატების გათვალისწინებით მოხდება. დარწმუნებული ვარ, რომ ახალი ინიციატივით, სხვადასხვა ასაკის სპორტსმენებს მიეცემათ კიდევ უფრო მეტი მოტივაცია, მომავალში მსოფლიო და ევროპის ჩემპიონატებზე წარმატებით იასპარეზონ“, - განაცხადა გიორგი ჩაკვეტაძემ.

საკრებულოს სპორტისა და ახალგაზრდულ საქმეთა კომისიის თავმჯდომარის ინფორმაციით, ოლიმპიურ და არაოლიმპიურ სახეობებში გამარჯვებულ მსოფლიო და ევროპის ჩემპიონებს გადაეცემათ 1000-დან 7000 ლარამდე თანხა I, II, და III ადგილების შესაბამისად. მისივე თქმით, წლის დასაწყისში, აღნიშნული მიმართულებით თანხები ბიუჯეტში გათვალისწინებული იყო, თუმცა წესში ასახვას საჭიროებდა.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა