გიორგი მარგველაშვილი - ქართველი ხალხის სახელით თანადგომას ვუცხადებ ჩვენს მოძმე ამერიკელ ერს ამ მძიმე წუთებში

საქართველოს პრეზიდენტმა გიორგი მარგველაშვილმა აშშ-ის 41-ე პრეზიდენტის ჯორჯ ბუში უფროსის გარდაცვალების გამო საქართველოში აშშ-ის საელჩოში გახსნილ სამძიმრის წიგნში ჩანაწერი გააკეთა.

,,ვუსამძიმრებ ამერიკელ ხალხს, ბატონ ჯორჯ ბუშის ოჯახსა და ახლობლებს ქვეყნის ღირსეული შვილის გარდაცვალებას. ჯორჯ ბუში ქართველებს გვახსოვს საბჭოთა იმპერიის დემონტაჟის დროს, საქართველოს აღიარების უმნიშვნელოვანეს, ისტორიულ მომენტში.

მისი სახელმწიფო მოღვაწეობის უაღრესად წარმატებული გზის გარდა, არ დაგვავიწყდება მეორე მსოფლიო ომის ერთ-ერთი ყველაზე ახალგაზრდა გმირი პილოტიც, რომელიც სასწაულებრივად გადაურჩა სიკვდილს და ის ადამიანი, ვინც ერთ-ერთი ყველაზე სახელმწიფოებრივი წერილი მისწერა, პრეზიდენტობის პრაქტიკაში, მის შემდგომ პრეზიდენტს, სადაც დალოცა და წარმატებები უსურვა მის ყოფილ კონკურენტს.

ქართველი ხალხის სახელით თანადგომას ვუცხადებ ჩვენს მოძმე ამერიკელ ერს დანაკლისის ამ მძიმე წუთებში“, - აღნიშნა გიორგი მარგველაშვილმა სამძიმრის წერილში.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის