რუსთავის მეტალურგიული ქარხნის პრობლემები პარლამენტის დარგობრივი ეკონომიკისა და ეკონომიკური პოლიტიკის კომიტეტში განიხილეს

რუსთავის მეტალურგიულ ქარხანაში შექმნილ მდგომარეობასთან დაკავშირებით პარლამენტის დარგობრივი ეკონომიკისა და ეკონომიკური პოლიტიკის კომიტეტში მოსმენა გაიმართა.

როგორც ქარხნის წარმომადგენლების მხრიდან ითქვა, ქარხანა პრობლემების წინაშე ირანიდან დემპინგურ ფასად დაბალი ხარისხის არმატურის შემოტანის გამო აღმოჩნდა, რასაც შესაძლოა ნაწილობრივი გაჩერება და თანამშრომელთა შემცირება მოჰყვეს.

რუსთავის მეტალურგიული ქარხნის “რუსთავის ფოლადის“ ადვოკატის, დავით ებრალიძის განცხადებით, არასწორი იყო საქართველოს მთავრობის მიერ “პროდუქტის უსაფრთხოებისა და თავისუფალი მიმოქცევის შესახებ კანონის“ ამოქმედების თარიღის 15 იანვრამდე გადაწევა. მას ასევე საჭიროდ მიაჩნია ქვეყანაში ანტიდემპინგური კანონის მიღება.

დღევანდელ სხდომაზე გამოითქვა მოსაზრებები ანტიდემპინგური კანონის მნიშვნელობასა და საჭიროებაზე, ასევე იმ მოსალოდნელ რისკებსა და პრობლემებზე, რასაც ზოგადად, ქართულ წარმოებას “პროდუქტის უსაფრთხოებისა და თავისუფალი მიმოქცევის შესახებ“ კანონის ამოქმედების ვადის გადაწევა უქმნის.

“საკითხი, რომლის გამოც შევიკრიბეთ, ჩვენს ოპერატიულ რეგირებას მოითხოვს. მინდა ეკონომიკისა და ფინანსთა მინისტრებმა იცოდნენ, რომ ჩვენი პასუხისმგებლობა ძალიან დიდია იმასთან დაკავშირებით, თუ როგორ განვითარდება მოვლენები“, - განაცხადა კომიტეტის თავმჯდომარემ რომან კაკულიამ.

როგორც კაკულიამ აღნიშნა, კომიტეტი მომავალ კვირაშივე დაინტერესდება პრობლემების მოგვარების დინამიკით და პროცესების განვითარებას თვალს მიადევნებს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა