საქართველოს პრეზიდენტმა გიორგი მარგველაშვილმა 7 დეკემბერს ეროვნული ბიბლიოთეკის გენერალურ დირექტორს გიორგი კეკელიძეს საჩუქრად საფრანგეთში ფრანგულ ენაზე გამოცემული 1921 წლის საქართველოს კონსტიტუცია გადასცა.
როგორც „ინტერპრესნიუსს“ ეროვნული ბიბლიოთეკიდან აცნობეს, იშვიათი გამოცემა, რომელიც უკვე ეროვნული ბიბლიოთეკის ფონდის ნაწილია, ემიგრაციის დარბაზში დაიდებს ბინას.
საბიბლიოთეკო ასოციაციის პრეზიდენტს, სოფლის ბიბლიოთეკების ინტერნეტიზაციის პროექტის ხელმძღვანელ რუსუდან ასათიანს პრეზიდენტმა მარგველაშვილმა ღირსების ორდენი გადასცა.