ეროვნული ბიბლიოთეკის მოძრაობა „ეკვილიბრიუმი“ ტყიბულის მუნიციპალიტეტის სოფელ კურსების საჯარო სკოლას ეწვია და სკოლის ბიბლიოთეკას წიგნები გადაეცა, - ამის შესახებ „ინტერპრესნიუსს“ ეროვნული ბიბლიოთეკიდან აცნობეს.

მათივე ინფორმაციით, ეროვნული ბიბლიოთეკის დირექტორი გიორგი კეკელიძე სკოლის მოსწავლეებს შეხვდა და წიგნიერების მნიშვნელობაზე ესაუბრა,

მოძრაობა „ეკვილიბრიუმი“ ასევე საჩხერის მუნიციპალიტეტის სოფელ პერევს ესტუმრა, სადაც სკვერის ბიბლიოთეკა გახსნა. სკოლის ბიბლიოთეკისთვის წიგნები დროის ბანკის სისტემის გამოყენებით განათლების განვითარებისა და დასაქმების ცნტრის მიერ პროექტ „საქართველოს მოხალისე“ და ევროკავშირის პროექტ „სამოქალაქო საზოგადოების განვითარების ინიციატივის“ ფარგლებში შეგროვდა.