საქართველოს პრეზიდენტმა გიორგი მარგველაშვილმა ზურაბ ჟვანიას დაბადების 55 წლისთავთან დაკავშირებით საქართველოს ყოფილი პრემიერ-მინისტრის ხსოვნას კიდევ ერთხელ მიაგო პატივი და მისი საფლავი ყვავილებით შეამკო.
„დღეს ზურას 55 წელი შეუსრულდებოდა.13 წელიწადი გავიდა მისი გარდაცვალებიდან, თუმცა მისი სიკვდილის გამო ტკივილი არც განელებულა და სამწუხაროდ, არც ბოლომდე გვინახავს გამოძიების შედეგი. ეს მართლაც არასასიამოვნოა, რომ ჩვენ ბოლომდე არ ვიცით და პასუხი არ არის გაცემული ამ უმნიშვნელოვანესი პოლიტიკური ლიდერის მკვლელობის თაობაზე. არ განელებულა არც ზურას, როგორც სტრატეგიული აზროვნების პოლიტიკოსის საჭიროება. მე, კიდევ ერთხელ ვიხსენებ მის ღვაწლს და კიდევ ერთხელ მინდა, გამოვხატო სიყვარული მის მიმართ და თანადგომა მისი ოჯახის მიმართ'', - აღნიშნა გიორგი მარგველაშვილმა.
ზურაბ ჟვანია 2005 წლის 3 თებერვალს დაიღუპა.
იხილეთ ვიდეო: დღემდე პასუხი არ არის გაცემული ამ უმნიშვნელოვანესი პოლიტიკოსის მკვლელობაზე - გიორგი მარგველაშვილი ზურაბ ჟვანიას საფლავზე