გამიჭირდება იმის თქმა, თუ რატომ ვერ მივიდა ზურაბ ჟვანიას გარდაცვალების საქმეზე გამოძიება ბოლომდე, - ამის შესახებ ჟურნალისტებს პარლამენტის თავმჯდომარემ ირაკლი კობახიძემ განუცხადა.

„ამას შეიძლება სხვადასხვა მიზეზი ჰქონდეს, მათ შორის მიზეზი შეიძლება იყოს ის, რომ ამ ტრაგიკული ფაქტის შემდეგ წლებია გასული და არის რისკი წლების მანძილზე მტკიცებულბების განადგურებისა. აქედან გამომდინარე, გამიჭირდება იმის შეფასება, თუ რატომ ვერ მოხერხდა საქმის გამოძიების ბოლომდე მიყვანა“, - განაცხადა ირაკლი კობახიძემ.

„არ უნდათ გახმაურებული მკვლელობის გამოძიება და ყველაფრისთვის წერტილის დასმა - ურჩევნიათ, ეს ყველაფერი დაკიდებულ მდგომარეობაში იყოს“, - ამის შესახებ ცოტა ხნის წინ „ინტერპრესნიუსთან“ საუბრისას პარლამენტის ყოფილმა წევრმა, ზურაბ ჟვანიას ძმამ გოგლა ჟვანიამ განაცხადა.

როგორც მან განმარტა, ზურაბ ჟვანიას მკვლელობის საქმის საგამოძიებო პროცესში “მუდმივად მიდის რაღაც ექსპერტიზები“. მისივე შეფასებით, “ექსპერტიზები არა საქმის წინ წასაწევად, არამედ დროის გაჭიანურების მიზნით კეთდება“.

ზურაბ ჟვანია 2005 წლის 3 თებერვალს დაიღუპა.