„გრუ“-ს ხელმძღვანელად იგორ კოსტიუკოვი დაინიშნა
რუსეთის შეიარაღებული ძალების გენერალური შტაბის მთავარი სადაზვერვო სამმართველოს (ГРУ) ხელმძღვანელად ვიცე-ადმირალი იგორ კოსტიუკოვი დაინიშნა.
ამის შესახებ ინფორმაციას რუსული საინფორმაციო სააგენტო ТАСС წყაროზე დაყრდნობით იუწყება.
შეგახსენებთ, რომ მიმდინარე წლის 21 ნოემბერს 63 წლის ასაკში ხანგრძლივი ავადმყოფობის შედეგად ГРУ-ს ხელმძღვანელი იგორ კორობოვი გარდაიცვალა.
იგორ კოსტიუკოვი რუსეთის სამხედრო დაზვერვის ერთ-ერთი ხელმძღვანელია. ის იგორ კორობოვის გარდაცვალების შემდეგ უწყების ხელმძღვანელის მოვალეობის შემსრულებელი იყო. მას ასევე აქვს უშუალო მონაწილეობა მიღებული რუსეთის მიერ სირიაში განხორციელებულ ოპერაციაში.
აღსანიშნავია, რომ მიმდინარე წლის სექტემბერში აშშ-მა ის სასანქციო სიაში ჩასვა 2016 წლის აშშ-ს საპრეზიდენტო საპრეზიდენტო არჩევნებში ჩარევის გამო.
