ჯონდი ბაღათურიას განცხადებით, დღეს 16:00 საათიდან მთელი თბილისის მიმართულებით ავტოკოლონები იმოძრავებს და ხალხს აქციაზე მისვლისკენ მოუწოდებს. ამის შესახებ ბაღათურიამ ჟურნალისტებს იუსტიციის სახლთან მიმდინარე აქციაზე განუცხადა.

"დღეს 16:00 საათზე მე, ემზარ კვიციანი და ლევან ჩაჩუა შევკრებთ მანქანების კოლონას რესპუბლიკის მოედანზე. მთელი საღამოს განმავლობაში ხალხს შევატყობინებთ, რომ ხვალ, 10:00 საათზე ვიკრიბებით ყველანი აქ. აქ უნდა იყოს მთელი საქართველო, ერი და ბერი. 18:00 საათამდე ველოდებით თეა წულუკიანთან დიალოგს. თუ დიალოგი არ შედგა, ხვალიდან ეს აქცია პოლიტიკურ ხასიათს შეიძენს და იქნება აქცია კორუმპირებული ხელისუფლების წინააღმდეგ", - განაცხადა ბაღათურიამ.