ევროკავშირის სასამართლოს გადაწყვეტილებით, დიდ ბრიტანეთს ცალმხრივად შეუძლია ევროკავშირიდან გასვლის თაობაზე უარი განაცხადოს

ევროკავშირის სასამართლოს გადაწყვეტილებით, დიდ ბრიტანეთს ცალმხრივად შეუძლია უარი განაცხადოს ევროკავშირიდან გასვლის თაობაზე.

სასამართლოს გადაწყვეტილებაში აღნიშნულია, რომ ევროკავშირიდან გასვლის თაობაზე უარის თქმისთვის ლონდონს არ დასჭირდება ევროკავშირის დანარჩენი 27 წევრი ქვეყნის თანხმობა.

„გაერთიანებულ სამეფოს თავისუფლად შეუძლია უკან წაიღოს ცალმხრივი შეტყობინება ევროკავშირის შემადგენლობიდან გასვლის განზრახვის თაობაზე. ამგვარი ქმედება, რომელიც განხორციელდება საკონსტიტუციო ნორმების შესაბამისად, ნიშნავს, რომ გაერთიანებული სამეფო ევროკავშირის წევრად დარჩება მისი წევრი ქვეყნის სტატუსის ცვლილების გარეშე“, - ნათქვამია ევროკავშირის სასამართლოს გადაწყვეტილებაში.

სასამართლოს გადაწყვეტილებაში ასევე აღნიშნულია, რომ ევროკავშირიდან გასვლის თაობაზე უარის თქმა შესაძლებელი იქნება მანამ, ვიდრე ძალაში არ შევა ევროკავშირსა და გაერთიანებულ სამეფოს შორის შეთანხმება, რომლის თანახმად გაერთიანებული სამეფო ევროკავშირის რიგებს დატოვებს.

შეგახსენებთ, რომ ლონდონსა და ბრიუსელს შორის დიდი ბრიტანეთის ევროკავშირიდან გასვლის თაობაზე მოლაპარაკებები 2017 წლის 19 ივნისს დაიწყო. დიდი ბრიტანეთის ევროკავშირიდან ოფიციალურად გასვლა 2019 წლის 29 მარტისთვისაა დაგეგმილი, რის შემდეგაც გარდამავალი პერიოდი დაიწყება, რომელიც 2020 წლის ბოლომდე გასტანს.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის