კახა კალაძე - თბილისის მერია ე.წ. თერგის ბაზრობაზე გაჩენილი ხანძრის შედეგად დაზარალებულს კომუნიკაციაში დაეხმარება

თბილისის მერია ე.წ. თერგის ბაზრობაზე გაჩენილი ხანძრის შედეგად დაზარალებულ მოქალაქეს კომუნიკაციაში დაეხმარება, - ამის შესახებ თბილისის მერმა კახა კალაძემ ჟურნალისტებს განუცხადა. როგორც კალაძემ აღნიშნა, ბაზრობის დირექტორს პასუხისმგებლობა ჰქონდა აღებული, რომ ყველა დაზარალებულ მოქალაქეს დახმარებოდა.

„ბაზრობას ჰყავს მეპატრონე და როგორც მეპატრონემ, მაშინ აიღო ვალდებულება ყველას უნდა დახმარებოდა. როგორც ვიცი, ამ მიმართულებით კონკრეტული ნაბიჯები არის გადადგმული და თუ რამეა გამორჩენილია, ამაში დავეხმარებით, რომ მოხდეს კომუნიკაცია",- განაცხადა კალაძემ.

ცნობისთვის, ე.წ. თერგის ბაზრობაზე გაჩენილი ხანძრის შედეგად დაზარალებული მოქალაქე გიორგი ლომაძე კახა კალაძესთან შეხვედრას ითხოვს. გიორგი ლომაძემ განაცხადა, რომ აღნიშნულ ბაზრობაზე სასაწყობო ფართს ფლობდა და 100 ათასი ლარის ღირებულების საქონელი გაუნადგურდა. მისივე თქმით, დახმარების მიზნით არაერთ უწყებას მიმართა, თუმცა უშედეგოდ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 22.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა