ადამიანის უფლებათა და სამოქალაქო ინტეგრაციის კომიტეტის თავმჯდომარე სოფო კილაძე საკადრო ცვლილებებთან დაკავშირებით გავრცელებულ ინფორმაციას ჭორს უწოდებს. როგორც კილაძემ აღნიშნა, ახლა მთავარია გაკეთდეს მეტი საქმე, რაც შეიძლება უკეთესად.

"მე, პირადად ვხედავ საჭიროებას და პირველ რიგში უნდა გავაკეთოთ რაც შეიძლება მეტი საქმე, რათა ადამიანებს ამ ქვეყანაში არ უჭირდეთ და სიღარიბე აღმოიფხვრას. საქმეზე გავაკეთოთ კონცენტრირება, რადგან თუ ცვლილებები იქნება, საზოგადოებას ინფორმაცია მიეწოდება. ვფიქრობ, ეს ყველაფერი არის ჭორები. მე ვხედავ საჭიროებას, რომ მეტი საქმე გაკეთდეს, უფრო უკეთესად", - განაცხადა კილაძემ.