ივანიშვილის და "ქართული ოცნების" პოლიტიკური გუნდის პირობებში მინისტრების ცვლილება არის ფასადური ცვლილება და სხვადასხვა მარიონეტის ჩანაცვლება კონკრეტულ სკამზე, - ასე აფასებს "ევროპული საქართველოს" წევრი ირაკლი აბესაძე გავრცელებულ ინფორმაციას იმის შესახებ, რომ შესაძლოა ხელისუფლებაში საკადრო ცვლილებები განხორციელდეს.
„ერთადერთი გამოსავალი ძალიან მძიმე სოციალურ ეკონომიკური ვითარებიდან, რომელიც არის ქვეყანაში, ეს არის მთლიანად "ქართული ოცნების" პოლიტიკური გუნდის ცვლილება. ბიძინა ივანიშვილის გუნდის ცვლილება, რომლებიც უკვე რამდენიმე წელია უპასუხისმგემლოდ ახორციელებენ ქვეყანაში მავნებლურ პოლიტიკას, რომლის ფასიც დღეს არის პურის ფასის გაზრდა, გაუფასურებული ლარი და გაღარიბებული მოსახლეობა შედეგებს ვერ მოიტანს. ივანიშვილის და "ქართული ოცნების" პოლიტიკური გუნდის პირობებში მინისტრების ცვლილება ეს არის ფასადური ცვლილება და სხვადასხვა მარიონეტის ჩანაცვლება კონკრეტულ სკამზე, ხოლო რეალური ცვლილება მხოლოდ მაშინ დაიწყება, როცა შეიცვლება ეს გუნდი, რაც არის ოპოზიციის მთავარი მოთხოვნა", - განაცხადა ირაკლი აბესაძემ.