მოლდოვას საკონსტიტუციო სასამართლომ  იგორ დოდონი პრეზიდენტის მოვალეობების შესრულებისგან დროებით გაათავისუფლა

მოლდოვას საკონსტიტუციო სასამართლომ იგორ დოდონი პრეზიდენტის მოვალეობების შესრულებისგან დროებით გაათავისუფლა.

„იმ გარემოებების გათვალისწინებით, რომელიც ამართლებს პრეზიდენტის დროებით გადაყენებას, ვინაიდან მან უარი განაცხადა შეასრულოს საკონსტიტუციო ვალდებულებები და პარლამენტის მიერ მიღებული კანონები დაამტკიცოს, კონსტიტუციის 91-ე მუხლის საფუძველზე, პარლამენტის თავმჯდომარე, როგორც პრეზიდენტის მოვალეობების შემსრულებელი, ხელს მოაწერს აღნიშნულ კანონებს“, - განაცხადა მოლდოვას საკონსტიტუციო სასამართლოს თავმჯდომარემ მიხაი პოალელუნჟმა.

აღნიშნული მოთხოვნით საკონსტიტუციო სასამართლოს პარლამენტის სპიკერმა ადრიან კანდუმ მიმართა. მან აღნიშნა, რომ პრეზიდენტმა უარი განაცხადა ხელი მოეწერა პარლამენტის მიერ მიღებულ კანონებზე. საუბარია ყოფილი რესპუბლიკური სტადიონის ტერიტორიის გადაცემაზე, რომელზეც აშშ-ს ახალი საელჩო უნდა აშენდეს, 9 მაისის ევროპის დღედ გამოცხადებაზე, სატელევიზიო და რადიო მაუწყებლობის ახალ კოდექსზე, ასევე კარაბინერების შესახებ ორ კანონზე, რომლის თანახმად კარაბინერები არა მხოლოდ პრეზიდენტს, არამედ მთავრობასაც დაემორჩილებიან.

მოლდოვას კონსტიტუციის თანახმად, თუ პრეზიდენტი ხელმეორედ უარს აცხადებს ხელი მოაწეროს პარლამენტის მიერ მიღებულ კანონზე, შესაძლებელია მისი დროებითი გადაყენება.

ეს უკვე მეოთხე შემთხვევაა, როდესაც მოლდოვას პრეზიდენტს იგორ დოდონს დროებით ათავისუფლებენ პრეზიდენტის მოვალეობების შესრულებისგან.

აღსანიშნავია, რომ იგორ დოდონსა და საპარლამენტო უმრავლესობას შორის დაპირისპირების მთავარი საგანი საგარეო პოლიტიკაა. იგორ დოდონი მხარს უჭერს რუსეთთან დაახლოებას, ხოლო საპარლამენტო უმრავლესობა და მთავრობა პროდასავლური კურსის მომხრეები არიან.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ