წყნეთში, რესტორან „წისქვილთან“ გუშინ მომხდარ დაჭრის ფაქტთან დაკავშირებით დამნაშავე პირი უკვე დადგენილია. ამის შესახებ „ინტერპრესნიუსს“ შინაგან საქმეთა სამინისტროში განუცხადეს.
მათი ინფორმაციით, ინცინდენტის შედეგად სამი პირი დაიჭრა. კერძოდ, „იმედის“ ინფორმაციით, დაჭრილია სასჯელაღსრულების სპეციალური პენიტენციური სამსახურის ყოფილი ხელმძღვანელი ზვიად მიხანაშვილი. მომხდარზე ძიება სისხლის სამართლის კოდექსის 117–ე მუხლით მიმდინარეობს, რაც ჯანმრთელობის განზრახ მძიმე დაზიანება ითხვალისწინებს და საგამოძიებო მოქმედებები გრძელდება.
ზვიად მიხანაშვილი საავადმყოფოშია მოთავსებული და მისი მდგომარეობა სტაბილურად მძიმეა.
არსებული ინფორმაციით, მიხანაშვილი ყოფილმა პატიმარმა დაჭრა.