ლაშა მიქავამ მსოფლიო ბანკის გლობალური კვლევასთან დაკავშირებულ დისკუსიაში მიიღო მონაწილეობა

ეკონომიკისა და მდგრადი განვითარების მინისტრის მოადგილე ლაშა მიქავა მსოფლიო ბანკის პრეზენტაციას „კრიტიკული კავშირები: ეკონომიკური ზრდისა და სტაბილურობის ხელშეწყობა ევროპასა და ცენტრალურ აზიაში“ დაესწრო და აღნიშნულ მოხსენებასთან დაკავშირებულ დისკუსიაში მიიღო მონაწილეობა.

ეკონომიკის სამინისტროს ინფორმაციით, ანგარიში ქართულ საზოგადოებას მსოფლიო ბანკის წამყვანმა ეკონომისტმა რეგიონში და მთავარმა ავტორმა, დევიდ გულდმა წარუდგინა. ანგარიშში ყურადღება იქნა გამახვილებული კავშირების განსხვავებული სახეობების ზემოქმედებაზე ეკონომიკურ ზრდის პროცესზე. ამასთან აღინიშნა, რომ საქართველოში ინფრასტრუქტურული ინდიკატორები უფრო ძლიერია, ვიდრე აღმოსავლეთ ევროპის და ცენტრალური აზიის ქვეყნებში, მაგრამ უფრო სუსტია, ვიდრე ევროკავშირის სახელმწიფოებში.

დევიდ გულდის განცხადებით, გაზრდილი საერთაშორისო ინტეგრაცია ხელს უწყობს ტექნოლოგიების და იდეების გადაცემას ქვეყნებს, ფირმებსა და ადამიანებს შორის, რაც აუცილებელია გრძელვადიანი ზრდის გასაძლიერებლად და საერთო კეთილდღეობის ასამაღლებლად, სოციალური ქსელების მსგავსად კი, საუკეთესო კავშირების მქონე ქვეყნებთან კონტაქტს გაცილებით მეტი ცოდნა და უკეთესი ტექნოლოგიები მოაქვს, ვიდრე იზოლირებულ პარტნიორებთან კავშირებს.

პრეზენტაციის შემდეგ, გაიმართა დისკუსია, რომელშიც მონაწილეობა მიიღო ეკონომიკისა და მდგრადი განვითარების მინისტრის მოადგილე ლაშა მიქავამ. მისი თქმით, კვლევამ აჩვენა, რამდენად მნიშვნელოვანია კონტაქტები და სწორი კავშირები ქვეყნის ეკონომიკური ზრდისთვის.

მან განსაკუთრებული ყურადღება გაამახვილა საქართველოს მნიშვნელოვნად გაუმჯობესებულ რეიტინგებზე, ქვეყნის საინვესტიციო მიმზიდველობის გაუმჯობესების მიმართულებით. ლაშა მიქავამ მაგალითად მოიყვანა მსოფლიო ბანკის ბიზნესის კეთების ბოლო რეიტინგი, რომლითაც საქართველო 190 ქვეყანას შორის მე-6-ეა ბიზნესის კეთების სიმარტივის მიხედვით.

„ჩვენ მოხარული ვართ, რომ საქართველოს მთავრობა თავისი რეგულაციებით ამ მიმართულებით სწორ ნაბიჯებს დგამს“, - განაცხადა ეკონომიკისა და მდგრადი განვითარების მინისტრის მოადგილემ და ერთ-ერთ ასეთ ნაბიჯად საქართველოში ინტერნეტისა და ტელეკომუნიკაციების განვითარება დაასახელა. მისი თქმით, რაც მეტი შინამეურნეობა იქნება ჩართული ინტერნეტში, მით მეტ ადამიანს ექნება შესაძლებლობა მისი მეშვეობით დაუკავშირდეს სამყაროს, მიიღოს განათლება, აწარმოოს ბიზნესი და არსებული ინფორმაცია და ტექნოლოგიები საკუთარი და ქვეყნის განვითარებისთვის გამოიყენოს.

ლაშა მიქავას განცხადებით, ამ მიმართულებით მიღწეული პროგრესის მიუხედავად, მალე საზოგადოებას წარედგინება ფართოზოლოვანი ინტერნეტის სტრატეგიის ეროვნული დოკუმენტი, რომლებიც აღნიშნულ ასპექტს კიდევ უფრო განავითარებს

აღსანიშნავია, რომ მსოფლიო ბანკის ანგარიში კავშირებს აფასებს ახალი ინდიკატორის - “მრავალგანზომილებიანი კავშირების (MDC) ინდექსის” შექმნით, რომელიც რამდენიმე არხს აერთიანებს, მათ შორისაა: ვაჭრობა, პირდაპირი უცხოური ინვესტიციები, მიგრაცია, საინფორმაციო და საკომუნიკაციო ტექნოლოგიები (ICT), და სატრანსპორტო კავშირები. ანგარიშის თანახმად, ევროპის და ცენტრალური აზიის რეგიონის საუკეთესო კავშირების მქონე ქვე-რეგიონია დასავლეთი ევროპა, რომელსაც მოჰყვება ცენტრალური, ჩრდილოეთი და სამხრეთი ევროპა, დასავლეთ ბალკანეთის ქვეყნები, ცენტრალური აზია და სამხრეთ კავკასია.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა