მივესალმები ინიციატივას, რომ მაქსიმალურად მოკრძალებულად ჩატარდეს ინაუგურაციის ცერემონია, - ამის შესახებ თავდაცვისა და უშიშროების კომიტეტის თავმჯდომარე ირაკლი სესიაშვილმა ჟურნალისტებთან საუბრისას განაცხადა.
დეპუტატის თქმით, თელავი იძლევა საშუალებას, მინიმალური ხარჯებით, ღირსეულად ჩატარდეს ინაუგურაცია.
კითხვაზე, ინაუგურაციის ჩატარებით შესაძლოა თუ არა მოლბეს თელაველების გული, რომელთა უმრავლესობამ სალომე ზურაბიშვილს არ დაუჭირა მხარი, სესიაშვილი პასუხობს, რომ შესაძლოა.
„თელავში, მაქსიმალური რესურსის დაზოგვით შეგვიძლია, რომ შევქმნათ ის გარემო რაც ეკადრება პრეზიდენტსი ინაუგურაციას"- აღნიშნა ირაკლი სესიაშვილმა.
არჩეული პრეზიდენტის, სალომე ზურაბიშვილის ინაუგურაცია 16 დეკემბერს თელავში გაიმართება.