გურამ კაშია - პრეზიდენტის ბრწყინვალების ორდენი ბევრად დიდი ჯილდოა, ვიდრე როგორც ფეხბურთელის და სპორტსმენის

„უბედნიერესი და გაოცებული ვარ. მართლა არ ველოდი ასეთ ჯილდოს. ძალიან ამაყი ვარ ჩვენი ქვეყნის და ხალხის,“ - ამის შესახებ ფეხბურთელმა გურამ კაშიამ ჟურნალისტებს პრეზიდენტის ადმინისტრაციაში ადამიანის უფლებების დაცვასთან დაკავშირებით გამართულ მიღებაზე, ბრწყინვალების საპრეზიდენტო ორდენით დაჯილდოვების შემდეგ განუცხადა.

„აქ რომ დამპატიჟეს, ამანაც გამაოცა. ვერასდროს წარმოვიდგენდი, რომ აქ შეიძლებოდა ვყოფილიყავი. დღეს პრეზიდენტმა დამაჯილდოვა. სიტყვები არ მყოფნის. ალბათ, ჩემი ოჯახი იამაყებს ჩემით და მეც ვამაყობ. ალბათ, ეს ჩემი ადამიანობისთვის გადმოცემული ჯილდოა და რაც ყველაზე საამაყოა, ეს ბევრად დიდი ჯილდოა, ვიდრე როგორც ფეხბურთელის და სპორტსმენის. დღეს ძალიან ამაყი ვარ, რომ ქართველი ვარ. ძალიან ამაყი ვარ ჩვენი ქვეყნისა და ხალხის,“ - განაცხადა გურამ კაშიამ.

დღეს ჰუმანური იდეების გავრცელებისა და ქვეყნის წინაშე აღმატებული ღვაწლისათვის ბრწყინვალების საპრეზიდენტო ორდენით ასევე დაჯილდოვდნენ: მეუფე ისაია, რეჟისორი თემურ ჩხეიძე, მეცნიერი ზურა კიკნაძე, რეჟისორი გელა კანდელაკი, მუსიკოსი მანანა მენაბდე, მხატვარი ლევან ჭოღოშვილი, ფონდ "ღია საზოგადოება - საქართველოს" ხელმძღვანელი ქეთი ხუციშვილი, ნორვეგიელი მუსიკათმცოდნე სვენდ ვოგე.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა