სალომე ზურაბიშვილი - თუ გვინდა აღიარებული ვიყოთ, როგორც დემოკრატიული ქვეყანა, ყველა უნდა შეეგუოს იმას, რომ როცა არჩევნები წაგებულია, უნდა აღიარო ის, ვინც გაიმარჯვა

„თუ ჩვენ გვინდა, რომ აღიარებული ვიყოთ, როგორც დემოკრატიული ქვეყანა, ყველა უნდა შეეგუოს იმას, რომ როცა არჩევნები წაგებულია, უნდა აღიარო ის, ვინც გაიმარჯვა არჩევნებში,“ - ამის შესახებ არჩეულმა პრეზიდენტმა სალომე ზურაბიშვილმა ჟურნალისტებს განუცხადა, რითაც გამოეხმაურა გაერთიანებული ოპოზიციის მიერ არჩევნების შედეგების გაუქმების მოთხოვნით სასამართლოში სარჩელის შეტანას. ზურაბიშვილის თქმით, ის ამაზე კომენტარს არ აკეთებს.

„მე ამაზე არაფერს არ ვპასუხობ. არჩევნები აღიარებულია მთელი საერთაშორისო თანამეგობრობის მიერ. 16 დეკემბერს შედგება ინაუგურაცია. თუ ჩვენ გვინდა, რომ აღიარებული ვიყოთ, როგორც დემოკრატიული ქვეყანა, ყველა უნდა შეეგუოს იმას, რომ როცა არჩევნები წაგებულია, უნდა აღიარო ის, ვინც გაიმარჯვა არჩევნებში,“ - განაცხადა სალომე ზურაბიშვილმა.

რაც შეეხება ინაუგურაციას, არჩეული პრეზიდენტისთვის ცერემონიასთან დაკავშირებული დამატებითი დეტალები ჯერ ცნობილი არ არის. მისი თქმით, ინაუგურაციასთან დაკავშირებული გეგმა ყოველდღიურად იცვლება. როგორც ზურაბიშვილმა აღნიშნა, ჯერჯერობით არც ის არის დაზუსტებული, რომელი ქვეყნების პირველი პირები დაესწრებიან ცერემონიას. სალომე ზურაბიშვილის ინფორმაციით, ამ დროისთვის ცნობილია, რომ რამდენიმე ქვეყნის პარლამენტის თავმჯდომარეები ჩამოვლენ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით