ეს ყველაფერი უკრაინის ყოფილი მოქალაქის არაადეკვატურობაზე მიუთითებს, - ასე აფასებს საპარლამენტო უმრავლესობის წევრი, ზაქარია ქუცნაშვილი საქართველოს ყოფილი პრეზიდენტის, მიხეილ სააკაშვილის მიერ დღეს გაკეთებულ განცხადებებს, რომ დამარცხებას არ შეეგუება.
დეპუტატის განცხადებით, სააკაშვილი მთლიანად მოწყვეტილია რეალობას.
„უკრაინის ყოფილმა მოქალაქემ, მიხეილ სააკაშვილმა, სამწუხაროდ, ვერ შეაფასა დამდგარი შედეგები. ეს ყველაფერი ვერ გააცნობიერა, რომ თავისი აქტივობით ყველაზე დიდად შეუშალა ხელი მხარდაჭერილ ჯგუფს. არ შეიძლება 18% წააგო არჩევნები და გამარჯვებაზე გქონდეს პრეტენზიები. ეს ყველაფერი უკრაინის ყოფილი მოქალაქის არაადეკვატურობაზე მიუთითებს”, - განაცხადა ზაქარია ქუცნაშვილმა.