ანგელა მერკელმა ვლადიმერ პუტინს სატელეფონო საუბრისას, დაკავებული უკრაინელი მეზღვაურების გათავისუფლებისკენ მოუწოდა

გერმანიის კანცლერმა ანგელა მერკელმა რუსეთის პრეზიდენტ ვლადიმერ პუტინს სატელეფონო საუბრისას დაკავებული უკრაინელი მეზღვაურების გათავისუფლებისკენ მოუწოდა. ამის შესახებ ინფორმაციას გერმანიის მთავრობის პრესსამსახური ავრცელებს.

„სატელეფონო საუბრის მთავარი თემა ქერჩის სრუტეში არსებული სიტუაცია იყო. კანცლერმა ხაზგასმით აღნიშნა, რომ საჭიროა ზომების მიღება, რომელიც ქერჩის სრუტეში შეუფერხებელ ნაოსნობას უზრუნველყოფს“, - ნათქვამია გერმანიის მთავრობის პრესსამსახურის განცხადებაში.

გარდა ამისა, ანგელა მერკელმა რუსეთს მოუწოდა 24 დაკავებული უკრაინელი მეზღვაური გაათავისუფლოს.

შეგახსენებთ, რომ 25 ნოემბერს რუსულმა ხომალდებმა ქერჩის სრუტეში ორი უკრაინული კატერი და ბუქსირი დააკავეს. კიევში განმარტავენ, რომ ხომალდები ყველა ნორმის დაცვით მოძრაობდნენ, თუმცა „ეფ ეს ბე“-ში ამტკიცებდნენ, რომ მეზღვაურები სახიფათო მანევრებს ასრულებდნენ, მათ შესაჩერებლად კი რუს სამხედროებს ცეცხლის გახსნა მოუწიათ. შედეგად 6 უკრაინელი მეზღვაური დაიჭრა. 24 უკრაინელი მეზღვაური რუსული მხარის მიერ არის დაკავებული. მათ ბრალი წაუყენეს რუსეთის სახელმწიფო საზღვრის უკანონოდ გადალახვის მუხლით.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა