„ანაკლიის განვითარების კონსორციუმს“, „ანაკლია სითისა“ და ,,საქართველოს დისტრიბუტორთა ბიზნეს ასოციაციის“ წევრებს შორის შეხვედრა გაიმართა

„ანაკლიის განვითარების კონსორციუმს“, „ანაკლია სითისა“ და ,,საქართველოს დისტრიბუტორთა ბიზნეს ასოციაციის“ წევრებს შორის შეხვედრა გაიმართა. ამის შესახებ „ინტერპრესნიუსს“ ანაკლიის განვითარების კონსორციუმიდან აცნობეს.

მათივე ცნობით, გამართულ შეხვედრას დაესწრო „ანაკლიის განვითარების კონსორციუმის“ დამფუძნებელი ბადრი ჯაფარიძე და ასოციაციის პრეზიდენტი, ივა ჭყონია.

ამასთან, ანაკლიის პორტისა და ანაკლია სითის პროექტის დამფუძნებლებმა დისტრიბუტორთა ასოციაციის წევრებს მიმდინარე სამუშაოების პროგრესი და სხვა სიახლეები გააცნეს.

დისკუსია გაიმართა იმასთან დაკავშირებით, თუ რა ინტერესი შეიძლება გამოიკვეთოს ანაკლიის სპეციალური ეკონომიკური ზონისა და პორტის პროექტის ფარგლებში დისტრიბუტორებისთვის და როგორ შეიძლება ეს პროექტი მათ თავიანთი საქმიანობის გაფართოებისათვის გამოიყენონ.

“ანაკლიის სპეციალური ეკონომიკური ზონა“ და ანაკლიის ღრმაწყლოვანი პორტი იქნება სრულად ინტეგრირებული. ეს იქნება ერთიანი თავისუფალი საბაჟო ზონა, რომელიც იდეალურ პლატფორმას შემოგვთავაზებს ლოგისტიკის ბიზნესის, საბითუმო ვაჭრობის, ელექტრონული კომერციის, მსუბუქი მრეწველობისა და რეექსპორტის საქმიანობისათვის“,- განაცხადა “ანაკლია სითის“ აღმასრულებელმა დირექტორმა ბოჭორიშვილმა.

ამასთან, შეხვედრის შემდეგ „ანაკლიის განვითარების კონსორციუმს“, „ანაკლია სითისა“ და ,,საქართველოს დისტრიბუტორთა ბიზნეს ასოციაციას“ შორის ურთიერთთანამშრომლობის მემორანდუმი გაფორმდა.

„წამყვანი ბრიტანული კომპანია „BuroHappold Engineering“ ასრულებს ანაკლიის სპეციალური ეკონომიკური ზონის განვითარების გეგმის კვლევას, ეკონომიკური ზონის ანალიზსა და კონცეპტუალური მასტერპლანის შედგენას“, - ნათქვამია გავრცელებულ ინფორმაციაში.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა