პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას აზრით, ბიზნესომბუდსმენის დამოუკიდებლობის ხარისხის გაზრდისთვის კარგი იქნება, თუ ის პრემიერ-მინისტრის ნაცვლად, პარლამენტის დაქვემდებარებაში იქნება.

როგორც კაკულიამ “ინტერპრესნიუსს“ განუცხადა, ის ამ თემაზე დისკუსიის დაწყებას აპირებს.

“ბიზნესომბუდსმენის დამოუკიდებლობის ხარისხი გაცილებით მაღალი იქნება თუ ის უშუალოდ მთავრობის დაქვემდებარებაში არ იქნება. ჩემი აზრით და, ამაზე მსოფლიო შეთანხმებულია, რომ მაღალი ლეგიტიმაცია აქვს უფრო იმ ინსტიტუციებს, რომელიც არის პარლამენტრის დაქვემდებარებაში, ვიდრე მთავრობის დაქვემდებარებაში“, - განუცხადა “ინტერპრესნიუსს“ რომან კაკულიამ.

ბიზნესომბუდსმენის თანამდებობაზე დანიშვნა პრემიერ-მინისტრის პრეროგატივაა. ასევე პრემიერ-მინისტრის გადაწყვეტილებით შეიძლება შეუწყდეს უფლებამოსილება.