თემირლან მაჩალიკაშვილის საქმეზე დიპლომატებთან შეხვედრა გაიმართა

ადამიანის უფლებათა სწავლებისა და მონიტორინგის ცენტრში (EMC) პანკისის ხეობაში ჩატარებული სპეცოპერაციის დროს მოკლული თემირლან მაჩალიკაშვილის საქმეზე დიპლომატიური კორპუსის წარმომადგენლებთან შეხვედრა გაიმართა, რომელსაც თემირლან მაჩალიკაშვილის მამა მალხაზ მაჩალიკაშვილი, მაჩალიკაშვილის ადვოკატი მარიამ კუბლაშვილი და სხვადასხვა საელჩოების წარმომადგენლები ესწრებოდნენ.

EMC-ის შეფასებით, საქმეზე მიმდინარე გამოძიება ამ დრომდე არ აკმაყოფილებს დამოუკიდებელი და ეფექტიანი გამოძიების სტანდარტებს და არსებითად ფორმალურ ხასიათს ატარებს.

როგორც ჟურნალისტებს სახალხო დამცველის მოადგილემ გიორგი ბურჯანაძემ განუცხადა, ერთ-ერთი მნიშვნელოვანი საკითხი, რომელიც შეხვედრაზე იყო განხილული, ძალის გადამეტების საქმეს შეეხებოდა.

"ეს მიმდინარე საქმეა, რომელზეც რამდენიმე დღის წინ სახალხო დამცველმაც ისაუბრა. ეს საქმე ჩვენთვის დახურულია. ადვოკატებს ჰქონდათ შესაძლებლობა გასცნობოდნენ ამ საქმეს. ჩვენ მოვისმინეთ მათი პოზიცია იმ საკითხებზე, რომლებიც, მათი აზრით, უფლებადარღვევას წარმოადგენს. სახალხო დამცველის აპარატი ცდილობს პროკურატურასთან კომუნიკაციის გზით და ადვოკატებთან მუშაობის შედეგად ამ საქმეზე ინფორმაცია მოვიპოვოთ, რათა შემდეგ საკუთარი პოზიცია ჩამოვაყალიბოთ",- განაცხადა ბურჯანაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს