მაღალმთიანი დასახლების სტატუსის მქონე უშუქო სოფლებში მცხოვრები 400 -მდე ოჯახი ალტერნატიული ენერგიის წყაროებით იქნება უზრუნველყოფილი

პრემიერ-მინისტრ მამუკა ბახტაძის განცხადებით, 2019 წელს, მაღალმთიანი დასახლების სტატუსის მქონე უშუქო სოფლებში მცხოვრები 400 -მდე ოჯახი ალტერნატიული ენერგიის წყაროებით იქნება უზრუნველყოფილი. ამის შესახებ მამუკა ბახტაძემ მაღალმთიანი რეგიონების განვითარების 2019-2023 წლების სტრატეგიის პრეზენტაციისას განაცხადა.

პრემიერის თქმით, 2020 წლისთვის ყველა მაღალმთიანი დასახლება უზრუნველყოფილი იქნება მობილური კავშირგაბმულობით და ინტერნეტით.

„გაიზრდება კომუნალური და საკომუნიკაციო სერვისების ხელმისაწვდომობა, გადაიდგმება მნიშვნელოვანი ნაბიჯები მთაში ელექტროენერგიის, ბუნებრივი აირის, სასმელი წყლის, კანალიზაციის, ნარჩენების გატანის სერვისების მიწოდებისთვის. იქ, სადაც ვერ მოხერხდება ელექტროენერგიის სადენებით მიწოდება, მოხდება მისი ალტერნატიული წყაროებით მომარაგება. 2019 წელს, მაღალმთიანი დასახლების სტატუსის მქონე ყველა უშუქო სოფელში დაახლოებით, 400 -მდე ოჯახი უზრუნველყოფილი იქნება ალტერნატიული ენერგიის წყაროებით. 2020 წლისთვის კი ყველა მაღალმთიანი დასახლება უზრუნველყოფილი იქნება მობილური კავშირგაბმულობით და ინტერნეტით. უკვე იწყება ფშავ-ხევსურეთისა და გუდამაყრის ინტერნეტიზაცია. 2019 წელსვე დაიწყება წყალმომარაგების უზრუნველყოფის მნიშვნელოვანი პროექტები, მათ შორის სტეფანწმინდასა და მიმდებარე სოფლებში, ასევე დაბა წაღვერში, ვალეში, მესტიაში“, - განაცხადა მამუკა ბახტაძემ.

ამასთან, პრემიერ-მინისტრის განცხადებით, მას შემდეგ, რაც ორგანული პროდუქციის წარმოების გადასახადებისგან სრულად განთავისუფლების შესახებ კანონპროექტის მიღება მოხდება, საქართველოს მთა იქნება ერთ-ერთი პირველი, ვინც ამ საგადასახადო შეღავათს მიიღებს.

„მთის მცხოვრებთათვის სოციალური შეღავათებისთვის გაგრძელდება მუშაობა ხარისხიანი ჯანდაცვისა და სოციალურ სერვისებზე ხელმისაწვდომობის გასაზრდელად, რისთვისაც მოიმატებს სოფლის ექიმების რაოდენობა, გადაუდებელი დახმარებისთვის საჭირო ტრანსპორტი, აშენდება ამბულატორიები და სასწრაფო დახმარების შენობები“, - აღნიშნა მამუკა ბახტაძემ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა