საფრანგეთის და ნიდერლანდების სამეფოს საელჩოები არასამთავრობოებს და აქტივისტებს პრემიებს გადასცემენ

საფრანგეთის საელჩო და ნიდერლანდების სამეფოს საელჩო ქართულ არასამთავრობო ორგანიზაციებსა და აქტივისტებს ადამიანის უფლებების დარგში პრემიებს გადასცემენ.

როგორც საფრანგეთის საელჩოში აცხადებენ, ღონისძიება გაიმართება ადამიანის უფლებების საერთაშორისო დღესთან დაკავშირებით, რომელიც ყოველწლიურად დეკემბერში აღინიშნება.

ცერემონიის განმავლობაში, ნიდერლანდების ელჩი საქართველოში იოჰანეს დუმა ადამიანის უფლებების ადგილობრივი პრიზით თულიპ დააჯილდოებს ადამიანის უფლებადამცველ ადგილობრივ ქართველ აქტივისტებს. გამარჯვებულს გადაეცემა 2000 ევროს ოდენობის თანხა, ხოლო ფინალისტები 1000 ევროს მიიღებენ მათი საქმიანობის გასაგრძელებლად.

საფრანგეთის საელჩო კი, 2018 წლის ადგილობრივ პრემიას – 2000 ევროს - ადამიანის უფლებების დარგში, (რომლის თემაა “ადამიანის უფლებების დაცვა რეგიონებში”) გადასცემს ერთ-ერთ არასამთავრობო ორგანიზაციას.

„საფრანგეთის ელჩი ასევე დააჯილდოებს არასამთავრობო ორგანიზაციას „კულტურული ფონდი სოხუმი“ საფრანგეთის რესპუბლიკის 2018 წლის საერთაშორისო პრემიის „განსაკუთრებული შეფასებით“ ადამიანის უფლებების დარგში. საფრანგეთის რესპუბლიკამ არასამთავრობო ორგანიზაცია „ფონდი სოხუმი“ აფხაზეთიდან იძულებით გადაადგილებულ ქალთა სოციალური ინტეგრაციის სასარგებლოდ განხორციელებული უზარმაზარი შრომის გამო შეარჩია. აღნიშნული შეფასების წყალობით, ის საფრანგეთის რესპუბლიკის დიპლომატიური მფარველობით ისარგებლებს.

ნიდერლანდები და საფრანგეთი, ორივე ადამიანის უფლებების დაცვის ძლიერი მხარდამჭერები არიან. ორივე საელჩო, ამგვარად, კიდევ ერთხელ ადასტურებს საქართველოში ადამიანის უფლებების დამცველ პიროვნებათა და ორგანიზაციათა მიმართ მტკიცე მხარდაჭერას“, - ნათქვამია გავრცელებულ ინფორმაციაში.

ღონისძიება 12 დეკემბერს, „ფაბრიკაში“ გაიმართება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს