მოსამართლეობის საკვალიფიკაციო გამოცდის გამართვის თარიღი ცნობილია.როგორც „ინტერპრესნიუსს“ იუსტიციის უმაღლესი საბჭოდან აცნობეს, გამოცდის პირველი ეტაპი (ტესტური გამოცდა) 2019 წლის 26 იანვარს, მეორე ეტაპი (წერითი გამოცდა) კი 2019 წლის 2 თებერვალს ჩატარდება.
მათივე ინფორმაციით, გამოცდაზე დაშვების მიზნით რეგისტრაცია შესაძლებელია 2019 წლის 4 იანვრიდან 18 იანვრის ჩათვლით.
მოსამართლეობის საკვალიფიკაციო გამოცდა საერთო და სპეციალიზაციების მიხედვით ჩატარდება. მოსამართლეობის საკვალიფიკაციო გამოცდის დანიშვნის შესახებ გადაწყვეტილება იუსტიციის უმაღლესმა საბჭომ ერთხმად მიიღო.