გაერთიანებული ოპოზიციის „ძალა ერთობაშიას“ ერთ-ერთი ლიდერი გრიგოლ ვაშაძე თანაგუნდელებთან ერთად სოფელ ატოცში იმყოფებოდა და შექმნილი ვითარება ადგილზე შეაფასა. როგორც გრიგოლ ვაშაძემ ჟურნალისტებს განუცხადა, დეოკუპაცია საქართველოს თითოეული მოქალაქის საქმეა.
„პირველი შემთხვევაა, როდესაც ოკუპაციის ხაზის გადმოწევის მცდელობა არის გაჩერებული და ეს გააჩერა სამოქალაქო საზოგადოებამ - დავით ქაცარავას ორგანიზაციამ და გულანთებულმა პატრიოტებმა. დეოკუპაცია, რუსული ოკუპაციის წინააღმდეგ ბრძოლა არ არის მხოლოდ ამ ორგანიზაციის საქმე, ჩვენი ყველას საქმეა. რადგან რუსული მანქანა გააჩერეს, ე.ი. ეს შესაძლებელი ყოფილა და ბრძოლას ყოველთვის აქვს აზრი“, - განაცხადა ვაშაძემ.
იხილეთ ვიდეო: პრეზიდენტობის ყოფილი კანდიდატი გრიგოლ ვაშაძე ატოცში, საოკუპაციო გამყოფ ხაზთან ჩავიდა