ადვოკატი - ვერ მოვისმინე განმარტება, რატომ აქვს კობა დავითაშვილს უფლება უწოდოს პაატა ბურჭულაძეს ქურდი და რატომ არ უნდა დაეკისროს მას შესაბამისი პასუხისმგებლობა

დღევანდელ პროცესზე ვერ მოვისმინე ვერანაირი განმარტება იმისა, თუ რატომ არ წარმოადგენს ბატონი კობა დავითაშვილის განცხადება ცილისწამებას, რატომ აქვს მას უფლება უწოდოს პაატა ბურჭულაძეს დამნაშავე, ქურდი, მიმთვისებელი და რატომ არ უნდა დაეკისროს მას შესაბამისი პასუხისმგებლობა სამოქალაქო სამართლებრივი წესით, - აღნიშნულის შესახებ ჟურნალისტებს პროცესის დასრულების შემდეგ პაატა ბურჭულაძის ადვოკატმა, მარიამ ჩიქოვანმა განუცხადა.

როგორც ის განმარტავს, მოწინააღმდეგე მხარე არამხოლოდ პაატა ბურჭულაძის პიროვნების დისკრედიტაციას ცდილობს, არამედ, ფონდ „იავნანას“ დისკრედიტაციასაც, რაც მას სერიოზულ ზიანს აყენებს.

„ერთადერთი არგუმენტი და ერთადერთი მტკიცებულება, რაზეც ისინი თავიანთ შესაგებელს აფუძნებენ, ერთ-ერთი ინტერნეტ ტელევიზიის მიერ გაკეთებული რეპორტაჟებია. მოწინააღმდეგე მხარე სადავოდ ხდიდა ბატონი პაატა ბურჭულაძისთვის გაეროსა და უნისეფის მიერ კეთილი ნების ელჩის სტატუსის მიწოდებას და აღნიშნავს, რომ ამას საქმისთვის მნიშვნელობა არ აქვს.

ბატონი პაატას საქველმოქმედო საქმიანობის ეჭქვეშ დაყენება ამ საფუძვლებით ცოტა არასერიოზულია. საჯარო პირებთან დაკავშირებით არსებობს დასაშვები კრიტიკის ფარგლები.

ეს პროცესები არამხოლოდ ბატონი პაატა ბურჭულაძის პიროვნების დისკრედიტაციის მიზნითაა, არამედ, ფონდ „იავნანას“ დისკრედიტაციის მიზნით და სერიოზულ ზიანს და საფრთხეს უქმნის საქართველოში საქველმოქმედო საქმიანობას“, - აცხადებს ჩიქოვანი.

იხილეთ ვიდეო: პაატა ბურჭულაძის სარჩელი, რომლითაც კობა დავითაშვილს უჩივის, თბილისის საქალაქო სასამართლოს არსებით განხილვაში გადაეცა

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ