ზუგდიდის მუნიციპალიტეტის სოფელ ცაიშთან მომხდარი ავტოსაგზაო შემთხვევის შედეგად დაშავებულებიდან ერთ-ერთის მდგომარეობა მძიმეა. როგორც „ინტერპრესნიუსს“ რეფერალური ჰოსპიტალის სამედიცინო მენეჯერმა სულხან ორჟონიამ განუცხადა, მისი ჯანმრთელობის მდგომარეობა მძიმეა და გადაუდებელი ოპერაცია უტარდება.
შეგახსენებთ, სოფელ ცაიშთან მომხდარ ავტოსაგზაო შემთხვევას ერთი ადამიანი ემსხვერპლა, ხოლო ოთხი დაშავდა.
შს სამინისტროში გამოძიება 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.