ააიპ „დემოკრატიულ ინიციატივათა საერთაშორისო ცენტრის“, ააიპ „ინსტიტუციური განვითარებისა და მონიტორინგის ცენტრის“ და ააიპ „ახალგაზრდული ცენტრი ‒ ჩვენი თაობა 1921“ დამკვირვებლების მიერ არჩევნების მეორე ტურთან შუალედურ ანგარიშს აქვეყნებს.

როგორც „ინტერპრესნიუსს“ აღნიშნული არასამთავრობო ორგანიზაციებიდან აცნობეს, წინამდებარე ანგარიში მოიცავს 29 ოქტობრიდან 29 ნოემბრამდე პერიოდს და 73 აკრედიტირებული დამკვირვებლის მიერ საქართველოს მასშტაბით ყველა დონის საარჩევნო კომისიაში გაწეულ სამუშაო შედეგს ეფუძნება.

„ერთობლივი სადამკვირვებლო მისიის მიზანი: საარჩევნო პროცესის ზუსტი, ობიექტური და მიუკერძოებელი შეფასება იყო. ასევე, იმ რეკომენდაციების შემუშავება, რომელიც გამჭვირვალე, მშვიდი, თავისუფალი და სამართლიანი საარჩევნო გარემოს ჩამოყალიბებას შეუწყობს ხელს.

ააიპ „დემოკრატიულ ინიციატივათა საერთაშორისო ცენტრი“ ,ააიპ „ინსტიტუციური განვითარებისა და მონიტორინგის ცენტრი“ და ააიპ „ახალგაზრდული ცენტრი -ჩვენი თაობა 1921“ აგრძელებს არჩევნების მეორე ტურის შემდგომ პერიოდზე დაკვირვებას და ამ უკანასკნელის შეფასება წარმოდგენილი იქნება სადამკვირვებლო მისიის საბოლოო ანგარიშში“, – აცხადებენ ორგანიზაციაში.

დაინტერესებულ პირებს ანგარიშის გაცნობა შეეძლებათ ლინკზე: https://drive.google.com/file/d/139un4W2pCvEhbTypu0t2pLdVSqDgS0hN/view?usp=drivesdk