იუსტიციის სახლთან მიწების უცხოელებზე გასხვისების გასაპროტესტებლად ხვალაც შეიკრიბებიან

იუსტიციის სამინისტროსთან, „პატრიოტთა ალიანსისა” და სხვადასხვა არასამთავრობო ორგანიზაციების მიერ ორგანიზებული აქცია დღეს დასრულებულია.

როგორც „ინტერპრესნიუსს“ აქციის ორგანიზატორებმა განუცხადეს, აქცია ხვალ დილიდან განახლდება იმავე მოთხოვნით, რომ უცხოელებზე არ გაიყიდოს მიწა.

აქციის ორგანიზატორები განმარტავენ, რომ ისინი არ გამოდიან სხვა ქვეყნის მოქალაქეების წინააღმდეგ, არამედ უბრალოდ იცავენ საკუთარი ქვეყნის ტერიტორიას.

ორგანიზატორები კიდევ ერთხელ მოუწოდებენ ხელისუფლებას, რომ აღნიშნულ საკითხთან მიმართებით გამოიჩინონ მეტი პასუხისმგებლობა და გაატარონ სახელმწიფოებრივად მართებული პოლიტიკა, რომელსაც არაერთი ევროპული ქვეყანა ატარებს. მათივე თქმით, მათ არ აქვთ პოლიტიკური მოთხოვნა. აღნიშნავენ, რომ მათი ერთადერთი მოთხოვნა მხოლოდ უცხო ქვეყნის მოქალაქეებისთვის მიწების გაყიდვის აკრძალვაა.

საორგანიზაციო ჯგუფში შემავალი არასამთავრობო თუ პოლიტიკური პარტიების წარმომადგენელთა განცხადებით, მსგავსი აქციები პარასკევის ჩათვლით გაიმართება. ისინი დადებითად აფასებენ პრეზიდენტ სალომე ზურაბიშვილის განცხადებას და იმედოვნებენ, რომ ხელისუფლება მის ხედვებს გაიზიარებს.

აქცია იუსტიციის სამინისტროსთან ხვალ 9 საათზე დაიწყება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს