პრემიერი ზუგდიდის მეექვსე სკოლის დირექტორის გარდაცვალებაზე - მოხდა ადამიანური ტრაგედია და ამაზე პოლიტიკური სპეკულაცია მიუღებელი და ამორალურია

საქართველოს პრემიერ-მინისტრის მამუკა ბახტაძის შეფასებით, ზუგდიდის მეექვსე სკოლის დირექტორის ია კერზაიას გარდაცვალება ადამიანური ტრაგედიაა და ამაზე პოლიტიკური სპეკულაციები მიუღებელია. ამის შესახებ მამუკა ბახტაძემ „ფეისბუქის“ პირდაპირ ეთერში, მოსახლეობის შეკითხვების პასუხისას განაცხადა.

პრემიერმა სამძიმარი გამოუცხადა გარდაცვლილის ოჯახს, ახლობლებს და კოლეგებს.

„მოხდა ადამიანური ტრაგედია და ამაზე პოლიტიკური სპეკულაცია მიუღებელი და ამორალურია“, - განაცხადა პრემიერმა.

9 დეკემბერს ზუგდიდის მეექვსე სკოლის დირექტორი ია კერზაია გარდაიცვალა. კერზაია ქუთაისის ინტერვენციული მედიცინის კლინიკაში ინსულტით რამდენიმე დღის წინ მოათავსეს. მას ოპერაცია ჩაუტარდა, თუმცა მისი გადარჩენა ვერ მოხერხდა. კერზაიას შვილი ბაჩანა შენგელია დედის ჯანმრთელობის მდგომარეობის გაუარესებას მასზე განხორციელებულ პოლიტიკურ ზეწოლას უკავშირებდა, რომელსაც, მისი მტკიცებით, კერზაია ხელისუფლებისგან განიცდიდა. კერძოდ, ბაჩანა შენგელია, ბოლო პერიოდში სკოლაში აუდიტის სამსახურის შესვლას სკოლის დირექტორზე ზეწოლად აფასებდა.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 20.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ