ბრაზილიის ქალაქ კამპინასის საკათედრო ტაძარში სროლის შედეგად, სულ მცირე, ხუთი ადამიანი დაიღუპა. ამის შესახებ ადგილობრივი მედია იუწყება.
მათი მონაცემებით, გარდაცვლილთა ვინაობა ჯერჯერობით უცნობია. ასევე უცნობია მომხდარის მოტივი.
ადგილობრივ ტელეკომპანია „გლობოსთან“ საუბარში თვითმხილველები აცხადებენ, რომ დამნაშავემ მრევლის მისამართით ცეცხლი მაშინ გახსნა, როდესაც ღვთისმსახურებას ესწრებოდნენ. არსებული ინფორმაციით, ამის შემდეგ მან თავი მოიკლა.
მე-19 საუკუნის საკათედრო ტაძარი ქალაქის ხალხმრავალ რაიონში მდებარეობს.