"საერთაშორისო გამჭვირვალობის“ წევრი- კანონპროექტის წაკითხვისას ჩნდება ეჭვი, რომ ახალმა პრეზიდენტმა საკუთარი კადრებით დააკომპლექტოს პრეზიდენტის ადმინისტრაცია

კანონპროექტის წაკითხვის შემდეგ რჩება ერთადერთი ეჭვი, რომ მისი მიღება ხდება სწორედ იმიტომ, რომ ახალმა პრეზიდენტმა საკუთარი კადრებით თვითონ დააკომპლექტოს პრეზიდენტის ადმინისტრაცია, - ამის შესახებ "საერთაშორისო გამჭვირვალობა - საქართველოს" წარმომადგენელმა, ლიკა საჯაიამ საქართველოს პრეზიდენტის ადმინისტრაციაში განაცხადა, სადაც ამ წუთებში პრეზიდენტის მრჩევლებსა და არასამთავრობო სექტორის წარმომადგენლებს შორის შეხვედრა მიმდინარეობს.

"ადმინისტრაციული ხელშეკრულებით პირის სამსახურში აყვანა ნიშნავს იმას, რომ უკონკურსოდ მოხდება ამ პირების სამსახურში აყვანა და მათი უფლებამოსილების ვადა მიბმული იქნება პრეზიდენტის ვადაზე. ასევე, 100-ზე მეტი ადამიანი, ვინც ახლა პრეზიდენტის ადმინისტრაციაში მუშაობს, შეიძლება დარჩეს სამსახურის, კომპენსაციის გარეშე. ეს კანონი ეწინააღმდეგება საჯარო სამსახურის რეფორმას, ეწინააღმდეგება ასევე საქართველოს მიერ საერთაშორისოდ აღებულ ვალდებულებას, რომ განხორციელებულიყო საჯარო სამსახურის შესახებ რეფორმა, ასევე ეწინააღმდეგება საკონსტიტუციო სასამართლოს გადაწყვეტილებას. ამ კანონის წაკითხვის შემდეგ, რჩება ერთადერთი ეჭვი, რომ კანონი მიღებულია სწორედ იმიტომ, რომ ახალმა პრეზიდენტმა თვითონ დააკომპლექტოს საკუთარი კადრებით პრეზიდენტის ადმინისტრაცია. თუმცა ეს რისკი არ ემსახურება მხოლოდ მოქმედი თანამშრომლების მიერ სამსახურის დაკარგვას. გრძელვადიან პერსპექტივაში ის ქმნის ცუდ ტენდენციას, რომ ყოველი ახალი პრეზიდენტის შემდეგ მოხდება მთლიანად აპარატის გამოცვლა", - განაცხადა საჯაიამ.

როგორც ცნობილია, პრეზიდენტის ადმინისტრაციისთვის კატეგორიულად მიუღებელია კანონში დაგეგმილი ცვლილებები, რომლის მიხედვით, პრეზიდენტის ადმინისტრაციის თანამშრომლები ადმინისტრაციული ხელშეკრულების საფუძველზე დასაქმებული პირები უნდა გახდნენ. როგორც პრეზიდენტის საპარლამენტო მდივანი ანა ნაცვლიშვილი განმარტავს, აღნიშნული ცვლილებები იმას ნიშნავს, რომ თანამშრომლებს, რომლებიც მრავალი წელია პრეზიდენტის ადმინისტრაციაში მუშაობენ და უზარმაზარი გამოცდილება გააჩნიათ, აღარ ექნებათ დაცულობის ის გარანტიები, რაც საჯარო მოხელეებს აქვთ და მათ სამსახურიდან ნებისმიერ დროს, კომპენსაციისა და ახსნა-განმარტების გარეშე გაუშვებენ.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს