ნიკა მელია - პარლამენტის დარბაზში მე ვხედავ რამდენიმე კრიმინალს და   ერთი - ბატონი კობახიძეა

თქვენ სინდისზე არის როგორც მინიმუმ ერთი ადამიანის მკვლელობა ამ არჩევნების პროცესში. ეს ეხება ზუგდიდის ერთ-ერთი სკოლის დირექტორს, - ამის შესახებ „ნაციონალური მოძრაობის“ წევრმა ნიკა მელიამ პარლამენტის პლენარულ სხდომაზე, დეპუტატებს შორის დაპირისპირებამდე განაცხადა.

დეპუტატი გამოეხმაურა 2018 წლის საპრეზიდენტო არჩევნების ჩატარების საკითხს და განაცხადა, რომ ის სრული დარღვევით ჩატარდა.

ნიკა მელიას თქმით, პარლამენტის დარბაზში რამდენიმე კრიმინალი ზის, მათ შორის კრიმინალია პარლამენტის თავმჯდომარე ირაკლი კობახიძე.

„პირდაპირ გეტყვით, მივესალმები ამ დარბაზში რამდენიმე კრიმინალს და არა „ქართული ოცნების“ დეპუტატს. პირდაპირ გეუბნებით, ყველას არ ეხება, მაგრამ ამ დარბაზში, დიახაც, მე ვხედავ რამდენიმე ჩვეულებრივ კრიმინლას. ერთი - ბატონი კობახიძე და მეორე - ბატონი ემზარ მკოიანი. ავხსნი, თუ რატომ?!

გეყოთ მოთმინება და მომისმინეთ... აქ, ახლა თქვენმა დეპუტატმა, როდესაც დაიწყო საუბარი და მიესალმა საოცარ განვითარებას, პროგრესს ქვეყანაში და სალომე ზურაბიშვილის არჩევას დაარქვა დემოკრატიული პროცესის წარმოუდგენელი განვითარება, დიახაც, თქვენ სინდისზე არის როგორც მინიმუმ ერთი ადამიანის მკვლელობა ამ არჩევნების პროცესში. ეს ეხება ზუგდიდის ერთ-ერთი სკოლის დირექტორს. მეორე, ახალქალაქში განხორციელებულ უმოწყალო თავდასხმას გრიგოლ ვაშაძის შტაბზე, სადაც ოთხი ადამიანი იარაღის ტარებით უმოწყალოდ იყო ნაცემი და რას ბედავ შენ, ვიღაცა ხარ, გვარიც არ ვიცი შენი... ერთი ხმა მაინც თუ ამოგიღია და გითქვამს, ან დაგიგმია, როდესაც შენი გუნდის წევრები შენი კოლეგის, ემზარ მკოიანის მეთაურობით შევარდა გრიგოლ ვაშაძის შტაბში და გაუხეთქეს თავები და სახეები ადამიანებს. მესამე, დღეს, ვიდრე ასე თავს იწონებთ ვიღაცის წინაშე ჩვენი ქვეყნის მოქალქე სიკვდილს ებრძვის, ონის გაერთიანებული შტაბის ხელმძღვანელი. დიახაც, ეს არის სისხლიანი არჩევნები, რომელიც თქვენ ჩაატარეთ.

აღარ ვსაუბრობ გაყალბებაზე, იმ კრიმინალებზე, რომელიც თქვენ წაახალისეთ და ეტაპობრივად, თქვენვე ხდებით მსხვერპლნი. ალბათ, თვალ-ყურს ადევნებთ, იარაღიდან ისვრიან ყოველდღიურ რეჟიმში დედაქალაქში. იმიტომ, რომ ამ ხალხთან ვალში ხართ. არ გეგონოთ, რომ ხართ გამარჯვებულები, ეს იყო უპრეცედენტო, მასშტაბური ძალადობა, რომელიც თქვენმა გუნდა განახორციელა და თქვენ, ბატონო კობახიძე ხართ დამნაშავეების მფარველი. როდესაც დამნაშავე ემზელ მკოიანს აცხადებთ გმირად, დიახაც, თქვენ ხართ ასევე დამნაშავე, მათ შორის, მართლმსაჯულების წესითაც. ვინაიდან კანონის თანახმად, დანაშაულის მფარველიც დამნაშავეა. არ გაქვთ არანაირი მორალური უფლება ისაუბროთ იმ რიგით, როგორც ახლა საუბრობთ“, - განაცხადა მელიამ.

იხილეთ ვიდეო: ნიკა მელიას გამოსვლა, რომელსაც პარლამენტში სიტყვიერი და ფიზიკური დაპირისპირება მოჰყვა

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს