საპარლამენტო უმრავლესობის ლიდერის, არჩილ თალაკვაძის განცხადებით, სოციალური უსაფრთხოების თვალსაზრისით, სამართლიანობით და მასშტაბით, ვალების განულების ინიციატივა არის უპრეცედენტოდ დადებითი.

ამის შესახებ თალაკვაძემ პარლამენტის პლენარულ სხდომაზე სიტყვით გამოსვლისას განაცხადა.

„600 000 ადამიანი ჩვენს ქვეყანაში ახალ წელს ვალების გარეშე შეხვდება. მომავალში ჩვენ გვჭირდება სამართლიანი თამაშის წესები, რომელიც პასუხისმგებლიან დაკრედიტებას უზრუნველყოფს, გვჭირდება მეტი ადამიანის ჩართვა ეკონომიკაში და ვალების განულების გადაწყვეტილება ამის ერთ-ერთი წინაპირობაა. მინდა მადლობა გადავუხადო პრემიერ-მინისტრს ამ ინიციატივისთვის და ფონდ “ქართუს” უპრეცედენტო მხარდაჭერისთვის“, - განაცხადა არჩილ თალაკვაძემ.