პრეზიდენტის მრჩევლებმა ის ცვლილება გააპროტესტეს, რომელიც ადმინისტრაციაში დასაქმებული მოხელეების ხელშეკრულებაზე გადაყვანას ეხება

საქართველოს პრეზიდენტის პოლიტიკური მდივანი ფიქრია ჩიხრაძე და საპარლამენტო მდივანი ანა ნაცვლიშვილი "საჯარო სამსახურის შესახებ“ კანონში პარლამენტის მიერ მომზადებულ კანონპროექტთან დაკავშირებით არასამთავრობო და უფლებადამცველ

ორგანიზაციებს შეხვდნენ.

როგორც „ინტერპრესნიუსს“ პრეზიდენტის ადმინისტრაციიდან აცნობეს, პრეზიდენტის მრჩევლებმა ის ცვლილება გააპროტესტეს, რომელიც პრეზიდენტის ადმინისტრაციაში დასაქმებული ყველა საჯარო მოხელის ადმინისტრაციულ ხელშეკრულებაზე გადაყვანას ითვალისწინებს, ახალი პრეზიდენტის უფლებამოსილების ძალაში შესვლის შემდეგ.

"ეს ცვლილებები, რომელიც პარლამენტში განხილვის რეჟიმშია პირველ რიგში ეწინააღმდეგება როგორც კონსტიტუციით გარანტირებულ მნიშვნელოვან პრინციპებს, ასევე მთლიანად ხაზს გადაუსვამს საჯარო სამსახურის რეფორმის წარმატებას და იქნება ძალიან საშიში პრეცედენტი არამხოლოდ პრეზიდენტის ადმინისტრაციაში დასაქმებული ადამიანების მიმართ, არამედ ზოგადად საჯარო სექტორში დასაქმებული ადამიანების მიმართ და ეს იქნება საშიში გზავნილი, რომ ნებისმიერ დროს ისინი შეიძლება კანონის დაცვის სფეროდან უცებ გამოიყვანონ და მათ არანაირი უფლებები არ დაუტოვონ. მე ხაზგასმით მინდა აღვნიშნო, რომ აქ საქმე არ ეხება პრეზიდენტის მრჩევლებს, საქმე ეხება იმ ადამიანებს, რომლებიც 10 წელი და მეტი, ზოგიერთი ყველა პრეზიდენტის პირობებში მუშაობდა და ემსახურებოდა არა რომელიმე კონკრეტულ პრეზიდენტს: მარგველაშვილს, სააკაშვილს, შევარდნაძეს თუ გამსახურდიას, არამედ, ემსახურებოდა საჯარო ინტერესს, ემსახურებოდა მოქალაქეებს, რომლებიც მოდიოდნენ პრეზიდენტის ადმინისტრაციაში და იღებდნენ მისგან შესაბამის სერვისს და ინფორმაციას თუ ასე შემდეგ, ამიტომ ეს ადამიანები, რომლებიც პროფესიული ნიშნით არიან შერჩეული, რომლებსაც უზარმაზარი გამოცდილება და ინსტიტუციური მეხსიერება აქვთ აღარ ექნებათ დაცულობის ის გარანტიები, რაც საჯარო მოხელეებს აქვთ და მათ სამსახურიდან ნებისმიერ დროს, კომპენსაციისა და ახსნა-განმარტების გარეშე გაუშვებენ“, - აღნიშნა ანა ნაცვლიშვილმა.

აღსანიშნავია, რომ არასამთავრობო ორგანიზაციების წარმომადგენლები ეთანხმებიან პრეზიდენტის მრჩევლებს კანონპროექტის რისკების შეფასებაში და აცხადებენ, რომ კანონი ეწინააღმდეგება საჯარო სამსახურის რეფორმას, ეწინააღმდეგება ასევე საქართველოს მიერ საერთაშორისოდ აღებულ ვალდებულებას საჯარო სამსახურის შესახებ რეფორმის განხორციელების შესახებ ასევე ეწინააღმდეგება საკონსტიტუციო სასამართლოს გადაწყვეტილებას.

„ამ კანონის წაკითხვის შემდეგ, რჩება ერთადერთი ეჭვი, რომ კანონი მიღებულია სწორედ იმიტომ, რომ ახალმა პრეზიდენტმა თვითონ დააკომპლექტოს საკუთარი კადრებით პრეზიდენტის ადმინისტრაცია. თუმცა ეს რისკი არ ემსახურება მხოლოდ მოქმედი თანამშრომლების მიერ სამსახურის დაკარგვას. გრძელვადიან პერსპექტივაში ის ქმნის ცუდ ტენდენციას, რომ ყოველი ახალი პრეზიდენტის შემდეგ მოხდება მთლიანად ადმინისტრაციის გამოცვლა“, - აღნიშნა "საერთაშორისო გამჭვირვალობა - საქართველოს" წარმომადგენელმა ლიკა საჯაიამ, რომელიც დღევანდელ შეხვედრას ესწრებოდა.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი