ჯეიმს აპატურაიმ სტუდენტებისთვის საჯარო ლექცია გამართა

ნატო-სა და ევროკაშირის შესახებ საინფორმაციო ცენტრში, კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ სტუდენტებისთვის საჯარო ლექცია გამართა.

როგორც „ინტერპრესნიუსს“ საგარეო საქმეთა სამინისტროდან აცნობეს, ლექციას 15 სხვადასხვა უმაღლესი სასწავლებლის სტუდენტები დაესწრნენ, ხოლო შეხვედრაზე საქართველოს ნატო-ში ინტეგრაციის პროცესზე, ნატო-საქართველოს ურთიერთობების დინამიკაზე, მიმდინარე პროცესებსა და ქვეყნისთვის ევროატლანტიკური ინტეგრაციის მნიშვნელობაზე იმსჯელეს.

შეხვედრას მოდერირება ნატო-სა და ევროკავშირის შესახებ საინფორმაციო ცენტრის დირექტორმა ნინო ბოლქვაძემ გაუწია.

შეხვედრა სტუდენტებთან ნატო-ს გენერალური მდივნის სპეციალური წარმომადგენლის თბილისში სამუშაო ვიზიტის ფარგლებში ჩაინიშნა. ვიზიტის ფარგლებში მან შეხვედრები გამართა საქართველოს პრემიერ-მინისტრთან, პრეზიდენტთან, საგარეო საქმეთა და თავდაცვის მინისტრებთან.

„კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის თბილისში ვიზიტი ადასტურებს ნატო-საქართველოს ურთიერთობების მაღალ ინტენსივობას და ცხადყოფს, რომ ჩვენს ქვეყანას ნატო-ს დღის წესრიგში განსაკუთრებული ადგილი უკავია“, - ნათქვამია ინფორმაციაში.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა