განათლების სექტორში ძალიან საინტერესო და მრავალმხრივი რეფორმა იგეგმება, - ამის შესახებ საქართველოს ფინანსთა მინისტრმა, ივანე მაჭავარიანმა პარლამენტში, ბიუჯეტის 2019 წლის პროექტის კომენტირებისას განაცხადა.
როგორც მინისტრმა აღნიშნა, ის პირადად არის ჩართული რეფორმის მომზადების პროცესში.
„ვიმედოვნებ, რომ ამ რეფორმას დავუჭერთ მხარს, მიუხედავად იმისა, ოპოზიციაში ვართ თუ ხელისუფლებაში, იმიტომ, რომ რეფორმა სწორია. მის მომზადებაში ჩართული არიან უცხოელი ექსპერტები. ეს არის საშვილიშვილო საქმე და ვფიქრობ, როდესაც საქმე განათლებას ეხება, აქ სივრცე პოლიტიკური სპეკულაციებისთვის და პოპულიზმისთვის მინიმუმამდე უნდა დავიყვანოთ“, - აღნიშნა ივანე მაჭავარიანმა.