პროტესტი არ უნდა ატარებდეს რამე ფორმით რევოლუციურ მუხტს, - ამის შესახებ „პალიტრანიუსის“ გადაცემაში „360 გრადუსი“ პარტია „ნაციონალური მოძრაობის“ წევრმა, ნინო კალანდაძემ განაცხადა. მისი თქმით, ის სრულად იზიარებს 16 დეკემბერს, გაერთიანებული ოპოზიციის დაგეგმილი აქციის სულისკვეთებას და აღნიშნავს, რომ ამ გზით გამოიხატება ამომრჩეველთა დიდი ნაწილის პოზიცია, რომ ისინი განსხვავებული მოსაზრების მატარებელი მოქალაქეები არიან.

„16 დეკემბრის აქციაზე მე პროტესტის სულისკვეთებას სრულად ვუერთდები. მიმაჩნია, რომ ეს პროტესტი არის ლეგიტიმური, შინაარსიანი. ვემხრობი იმასაც, რომ ეს პროტესტი არ უნდა ატარებდეს რამე ფორმით რევოლუციურ მუხტს, ეს უნდა იყოს პროტესტი, რომელმაც უნდა დააფიქსიროს, რომ ამომრჩეველთა დიდი ნაწილი განსხვავებული მოსაზებისაა და მათი ხმა, მკაფიოდ და ჩამოყალიბებულად უნდა ისმოდეს“, - განაცხადა ნინო კალანდაძემ.

როგორც ცნობილია, ინაუგურაციის პარალელურად გაერთიანებული ოპოზიცია თელავში საპროტესტო აქციის გამართვას გეგმავს.

იხილეთ ვიდეო: "16 დეკემბრის აქციაზე პროტესტის სულისკვეთებას სრულად ვუერთდები" - ნინო კალანდაძე