ზურაბ ჭიაბერაშვილი - „ქართული ოცნების“ პირობებში  ნორმალური ბიუჯეტის მიღება შეუძლებელია

„ევროპული საქართველოს“ წევრი ზურაბ ჭიაბერაშვილი აცხადებს, რომ „ქართული ოცნების“ პირობებში შეუძლებელია ნორმალური ბიუჯეტის მიღება, რადგან არ ხდება სამუშაო ადგილების შექმნა და სიღარიბის დაძლევა.

„ქვეყანაში, სადაც მედიკამენტების ფასი არის მოქალაქეთა დიდი ნაწილის გაღარიბების წყარო, მთავრობა ვერ ახერხებს გამოყოფილი 10 მილიონიდან თუნდაც 2 მილიონის დახარჯვას, ეს არის ის დიაგნოზი, რაც ეხება როგორც 2018 წელს, ასევე 2019 წლის ბიუჯეტს და ნებისმიერ ბიუჯეტს „ქართული ოცნების“ პირობებში. ვიდრე „ქართული ოცნება“ მართავს ქვეყანას, შეუძლებელია ქვეყანას ჰქონდეს ნორმალური ბიუჯეტი ან ნორმალური ეკონომიკური პოლიტიკა და გადაიჭრას ის ძირეული პრობლემა, როგორიცაა სამუშაო ადგილების შექმნა და სიღარიბის დაძლევა“, –განაცხადა ზურაბ ჭიაბერაშვილმა.

მან ასევე ისაუბრა ბიუჯეტის დამტკიცების პრობლემაზე და განაცხადა, რომ კვორუმის არარსებობამ კიდევ ერთხელ დაადასტურა „ქართული ოცნების“ უპასუხისმგებლო და არასერიოზული დამოკიდებულება ბიუჯეტის მიმართ.

კითხვაზე, „ევროპული საქართველო“ გრძნობს თუ არა პასუხისმგებლობას იმის გამო, რომ მისი დეპუტატები ხშირად არ დადიან პარლამენტში, ზურაბ ჭიაბერაშვილი ასე პასუხობს: „ევროპული საქართველო“ სრულად იღებს მონაწილეობას ყველა კომიტეტის და სესიის მუშაობაში, სადაც არსებითი და მნიშვნელოვანი საკითხები იხილება, ცალკეულ წევრებზე შეგვიძია ცალკე ვისაუბროთ, მაგრამ „ევროპული საქართველო“ სრულადაა ჩართული საპარლამენტო საქმიანობაში“.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში