ემზარ კვიციანი - გუშინ ირმა ინაშვილი ძალიან სწორად მოიქცა

ეს პარლამენტია და ასე არ უნდა ვიქცეოდეთ,- ეს განცხადება „პატრიოტთა ალიანსის“ წევრმა ემზარ კვიციანმა ჟურნალისტებთან საუბრისას გააკეთა. ემზარ კვიციანი საქართველოს პარლამენტში გუშინ მომხდარ ჩხუბის ფაქტს გამოეხმაურა და აღნიშნა, რომ მომხდარის პროვოცირება "ნაციონალური მოძრაობის" წევრებმა მოახდინეს.

„ამ ყველაფრის ბრალია ის, რომ პარლამენტში სხედან „ნაციონალები“, ხალხი, რომელიც აწამებდა და აუპატიურებდა, ამ ხალხთან ერთად გვიწევს ყოფნა, ეს კოჰაბიტაციის ბრალია. ირმა ინაშვილი ძალიან სწორად მოიქცა, მას არ აძლევდნენ განცხადების გაკეთების საშუალებას, არავის არავისთვის ხელი არ დაურტყამს, იყო გაწევ-გამოწევა, ეს არც პირველი ყოფილა საქართველოში და არც ბოლო იქნება, ეს ქცევა ლამაზი არ არის. პარლამენტმა უნდა განიხილოს ჩვენი რეზოლუცია „ნაციონალების“ გასამართლებაზე და ყველაფერი გამოსწორდება. თქვენ, ჟურნალისტები და განსაკუთრებით მოღალატე „რუსთავი 2“ აცოცხლებთ „ნაციონალების“ სექტას, რომელიც თავს მოგვახვია უცხოეთის სპეცსამსახურებმა. ერისა და ქვეყნის წინაშეა მოღალატე „რუსთავი 2“და ნიკა გვარამია" ,- განაცხადა ემზარ კვიციანმა.

გუშინ პარლამენტში დეპუტატებს შორის სიტყვიერი და ფიზიკური დაპირისპირება მას შემდეგ დაიწყო, რაც დეპუტატ ირმა ინაშვილს სიტყვით გამოსვლას ადგილიდან გარკვეული რეპლიკებით “ნაციონალური მოძრაობის“ წევრი ნიკა მელია პასუხობდა. ინაშვილმა გამოსვლა შეწყვიტა, მივიდა მელიასთან, რაც მათ შორის ფიზიკურ გაწევ-გამოწევაში გადაიზარდა.

სიტუაციის განსამუხტად დაპირისპირებაში მანდატურის სამსახურის ჩარევა გახდა საჭირო.

იხილეთ ვიდეო: ემზარ კვიციანი - გუშინ ირმა ინაშვილი ძალიან სწორად მოიქცა

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს